樂心冰室

营业中

休息中

过年头几日假期都要返工，系依几日先补返假期，过年气氛都冇晒。加上疫情影响，又要扫描个政府app 先入得去食野，本来就更唔想出街。难得阿妈话想去铜锣湾买野，咁就去咗。我阿妈都系有要求之人，平时好少听到佢赞边间餐厅好食。今次随机去到乐心，都系我好耐之前去过，同埋有少少攰，所以就入去。门口又要量体温又要扫描，店员话唔洗急可以入咗去先，原来佢地个个位都有一张二维码，真系听明。我叫左下午茶鸡脾沙律，阿妈就叫餐蛋治烘底。佢只鸡脾好有肉汁，唔系弃你型。重点系个烘底，要加$1，好耐冇食到咁脆口既烘底。我阿妈仲话加$2都肯比，可见质素。其实有冇心做食客一食便知，净系睇件烘底就知系用心之作。