串燒妹

营业中

休息中

未试过食店服务如此极差。忽然好想食麻辣烫，上水四川小店少之又少，只好焗住试呢间。点知贴钱买难受。预咗食饭时间，又系串烧店制作需时，所以比平时预早致电外卖自取。（预早了一小时，本住方便店主自己就时间）一致电，我先确认系未有得外卖自取，店主已经态度麻麻答：自己黎拎。当时心谂，当然系自己拎啦，唔系咩叫外卖「自取」？心想可能佢地忙，燥少少，咁我继续落单。落完单，佢就训示形式咁话，洗唔洗咁早打黎呀，一阵有其他单，就甩咗你张单呀。吓？我点知你点样安排d单呀？咁易甩单？当初我一劈头就讲咗我系果个钟数拎，咁唔洗咁早打黎，你可以一早讲定啰，或者你自己贴notice 啰，而唔系咁嘅态度话人。咁去到拎外卖，我就讲电话号码加名，咁我见到个架都系得网上外卖平台同一兜野，但个店员就一面疑惑咁望住我。咁我再讲多次，佢先畀到我。临走个店主仲要串多次，你讲你拎果个时间呀嘛。吓？拎外卖唔系讲电话同名，系讲时间嘅？真系长知识啦。呢一间真系态度差到要人特登登记去打负评，为嘅都系唔想再有人咁贴钱买难受。后尾再睇翻d食评，先知原来态度一直都咁差嘅，仲要有人食过有曱甴。真系后悔无睇清楚先买。希望大家都唔好再上当！