影片
更多
2021-03-31
222 浏览
平时唔多写食评，但呢间啲食物真系好好味，要记低佢，推荐大家去。间餐厅本身喺商场入面嘅一条「食街」，周围环境设计几特别，亦都坐得舒服。食物方面首先有香脆嘅香草包，可以点落好香浓嘅黑松露忌廉汤一齐食味道好夹，仲有个好足料嘅华道夫沙律，有哂苹果薯仔合桃提子干西芹，下面再加左啲新鲜嘅沙律菜，大份得嚟又唔会食饱咗。头盘我哋拣左香炸车打芝士青辣椒配香脆洋葱圈，芝士夹埋青辣椒一齐炸，又薄又脆嘅炸皮一咬开啲芝士就爆出黎，好特别，不过就略为有啲腻口。主菜拣咗纽西兰羊鞍扒配honey basil sauce，4块厚厚嘅羊鞍扒一上菜我哋就即刻趁热食，叫咗四成熟，肉质好嫩，而且好多肉汁，个羊鞍扒煎得够香，亦冇好大阵羊膻味遮过晒啲羊肉味，再配埋个honey basil sauce真系无得输。另外仲要咗个墨鱼汁鲜带子海虾扁意粉，带子同海虾都大大只，墨鱼汁扁意粉好香好浓郁，配埋海鲜嘅鲜甜味道一流。嘢饮要咗一杯伪鸳鸯同埋拖肥姜鲜奶，杯拖肥姜鲜奶比例啱啱好饮得出拖肥同姜嘅味，而且好rich。伪鸳鸯系朱古力再加咖啡冰砖，好似饮紧mocha咁!今次净系试咗呢几款嘢食已经好满足，全部都大大份，下次要再去试埋佢嘅汉堡同埋牛扒先
间餐厅本身喺商场入面嘅一条「食街」，周围环境设计几特别，亦都坐得舒服。
食物方面首先有香脆嘅香草包，可以点落好香浓嘅黑松露忌廉汤一齐食味道好夹，仲有个好足料嘅华道夫沙律，有哂苹果薯仔合桃提子干西芹，下面再加左啲新鲜嘅沙律菜，大份得嚟又唔会食饱咗。
头盘我哋拣左香炸车打芝士青辣椒配香脆洋葱圈，芝士夹埋青辣椒一齐炸，又薄又脆嘅炸皮一咬开啲芝士就爆出黎，好特别，不过就略为有啲腻口。
17 浏览
0 赞好
0 留言
主菜拣咗纽西兰羊鞍扒配honey basil sauce，4块厚厚嘅羊鞍扒一上菜我哋就即刻趁热食，叫咗四成熟，肉质好嫩，而且好多肉汁，个羊鞍扒煎得够香，亦冇好大阵羊膻味遮过晒啲羊肉味，再配埋个honey basil sauce真系无得输。
20 浏览
0 赞好
0 留言
另外仲要咗个墨鱼汁鲜带子海虾扁意粉，带子同海虾都大大只，墨鱼汁扁意粉好香好浓郁，配埋海鲜嘅鲜甜味道一流。
嘢饮要咗一杯伪鸳鸯同埋拖肥姜鲜奶，杯拖肥姜鲜奶比例啱啱好饮得出拖肥同姜嘅味，而且好rich。伪鸳鸯系朱古力再加咖啡冰砖，好似饮紧mocha咁!
今次净系试咗呢几款嘢食已经好满足，全部都大大份，下次要再去试埋佢嘅汉堡同埋牛扒先得。😋
张贴
