蘇杭冰室

营业中

休息中

真实评价，无虚假，食过唔止一次。呢间嘅装修比一般冰室新派光猛，食物质素都好高👍👍唔系讲笑，平时煲仔饭就食得多，煲仔面你食过未？其实未食苏杭之前，我都未食过，所以又系抱住一尝鲜嘅心态试试佢，一试又系有二、三次😂😂今次我做介绍人，带好朋友去食，叫咗: 招牌奇味鸡煲煲仔面 $68火辣辣肉丁饭 $462样都超好味😋「系无介绍错嘅」->朋友话嘅😌鸡肉嫩滑又份量多，劲好送饭🤤煲仔面索晒鸡煲汤底好入味，好邪恶🤤仲要好似煲仔饭咁keep住个温度一路食都系热辣辣，无改错名😂😂朋友话: 完全无浪费自己个胃😂😂好邪恶好饱好满足👍👍服务态度都好好，有讲有笑，系愉快嘅一餐🥳总括而言会想下次再带朋友去🥳