Tartes & Pop

营业中

休息中

姐姐系识饮识食之人，我细细个就已经教我食正宗的法式水果批，今日佢叫我去西港城附近同佢攞饼，就嚟到呢间法国人开嘅批饼店，入到里边仲有个法国型男招呼，佢好有礼貌咁介绍自己嘅饼，系咁已经赚咗，有10款批，姐姐早已订咗四款：热情果榛子挞、柠檬榛子朱古力挞、香橙伯爵茶挞、法式咖啡忌廉布丁挞包装设计细心，每个挞都独立包装，再加上一个大的，有手挽位，看似一个手提袋，呢个设计真系要攞奖。里面仲有张卡教你点样开同用，呢啲挞系要用手食嘅！四款口味，最醒神的有柠檬榛子朱古力挞，柠檬味非常强。热情果榛子挞最好食，因为组合有对比，最值得赞是挞皮，食落好似饼干咁松化，并非连锁店的死甜，而系真正有水果味啲、细腻的。