90s Lazy (先施大廈) (已結業)

好多时肯表态嘅都系小店，但系支持黄店还支持黄店，好唔好食先系重点。而今次食到呢间系唔好食既。环境来讲系几靓嘅，钟意打卡嘅人一定会中宜。坐得唔算好迫，加分。但坐得靓有咩用，嘢食真系唔得。【oreo milkshake】奶昔呢样嘢都好难错，但系呢杯系我人生饮过最难饮嘅奶昔。唔知老细系省时间几杯一齐打？定系发紧梦？入边嘅材料比例错晒，我收到呢杯嘢饮唔够5分钟，佢已经变成一杯奶水。正常唔会系咁啰。系落得太少雪糕，定系冇雪糕？定系个雪糕唔够冻？一嚟就收到杯咁嘅嘢真系好失望。系完全不能够接受。如果偶尔一杯半杯系咁样嘅质素，我应该去买六合彩。【鲜虾珍珠带子risotto】味道非常单调，唔够调味，未到冇层次，佢食落似系用水煮咁淡。饭粒口感麻麻。剩系得一只虾，同埋少量嘅珍珠带子，令到成碟饭非常单调。【野菌risotto】看图都可以睇得出，又系一碗非常单调嘅饭。问题同上面𠮶啲一样，我两碟都有食到，其实冇乜分别，小小冇诚意。总结，可能我真系咁好彩，成日遇到啲唔好食嘅黄店，最惊喜嘅系，咁餐最难食嘅，竟然系最难出错嘅oreo milkshake。其实价钱唔算贵，但系呢餐，真系唔得。