澳門金隆雲南米綫 (已結業)

星期六下午喺铜锣湾食嘢，四处人山人海，难得见到呢间米线店冇乜人，一于入去医肚。(根据经验所得，冇乜人帮衬嘅多数都系伏，但行得太攰，唔理啦。)🙈 结果真系伏左……😢坐低睇个餐牌，好大本但其实大部份系餐(限左某种配料)，米线加自选配料选择不多，最后拣左酸辣米线($28)+鸡翼($10)，配冻奶茶(+$8)。先上冻奶茶，正正常常。再上米线，当堂得啖笑，一碟鸡翼有大、中、细码？有冲动想问其实正常系一碟几只呢？咁嘅配搭都拎得出黎俾人食，个厨房都得架啦。卖相唔好都算，鸡翼得个咸字。酸辣米线味道一般，米线好稔，最后难食到放弃，埋单头也不回走人。冇诚意的经营，冇下次。