味皇茶餐廳 (已結業)

已经尽量避免食楼下茶餐厅，已经中过冇数次伏，但系妈妈仍然依然故我，因为佢本身系一个好世故嘅人，成日钟意同啲师9街坊打交道，上上下下前前后后成个屋苑商场啲人冇人不识，又系恃住识得人多着数自然多嘅心态，我真系同佢南辕北辙！究竟我系咪佢生架🤪omg 本身换好晒衫谂住出去食啲自己想食嘅嘢，点知佢又一个唔该买𩠌嘅同时帮我买咗楼下嘅早餐仲要好大声咁话俾我听佢专登买俾我食😰😰简单嘅蛋牛治烘底热奶茶。虽然都系平时会食既，但系又唔知点解餐厅一贯求其嘅作风又出现。第一，我最唔明白点解要用发泡胶盒。其实一个纸袋已经解决咗三文治嘅问题啦！其实纸袋嘅成本唔会平过发泡胶咩？根本佢就系想收多我哋外卖盒一蚊，又唔环保我真系好讨厌外卖用发泡胶盒。🤬第二，三文治嘅热力令到发泡胶盒都有少少溶咗🥶㶶边。大佬就算系㶶边，我都系想个三文治而唔系发泡胶盒啰！第三，更加唔明白点解三文治入面会有少少发霉嘅样（见图）救命🆘食咗会唔会死㗎？虽然个奶茶都总算正常。同埋佢单价一杯奶茶嘅价钱（好似系$14-$15）系无疑比出面更难食既茶餐厅平。