舊機場車仔麵

营业中

休息中

启德平平地想食餐饭，除咗两𩠌饭同大快活无咩选择，呢间车仔面喺启德居民group好多负评，不过听人讲不如自己试，最多一心以几十蚊试伏心态去试吓…见啲人话贵，但4𩠌面$58真心觉得抵，叫咗墨鱼头、猪红、萝卜、猪手油面加辣菜甫，唔驶讲第一啖一定试过汤先，饮咗一啖唔觉口渴，但个人觉得可以到再浓味小小。墨鱼头唔系周围有得食，所以点嚟试吓，食落都几爽口唔韧，但唔算好惊喜。猪红萝卜系平日必点，因为一试就知间嘢得唔得。呢个猪红都入味质感好，唔会有啲成旧胶嘅感觉；萝卜偏淋可以爽小小，但味道都算甜无渣。最欣赏反而系猪手，南乳入晒味唔会死咸，炆到仲有小小咬口，满口骨胶原最正。辣菜甫唔算好辣，加喺清汤可以吊味，下次会试吓辣汁。整体嚟讲，价钱抵、食物质素亦对得住有余，起码唔会死咸口渴样样𩠌同一个味，值得回头。