聚點 (已結業)

睇真啲个餐牌, 原来星期六、日及公众假期系平啲嘅(餐饮唔使另外加钱)。其实冇谂过嚟呢度食, 不过行过附近都冇乜嘢好食、抵食, 望下望下就入咗去呢间。我叫咗个<猪肉片并鲩鱼腩配汤河>, 出奇地好好味㖞。 我谂主要系个汤, 应该系无添加嘅鱼汤, 鲜甜美味。胃痛唔敢食饭, 所以食河粉, 河粉亦都唔错。鱼腩新鲜好味; 猪肉片并非猪肉片, 而是猪颈肉, 猪颈肉我麻麻哋, 不过算啦, 希望下次佢哋会畀真正嘅猪肉片我啦。<招牌鸡饭> 唔记得咗系咩鸡, 因为佢有几种鸡选择, 印像中有盐焗鸡、豉油鸡之类啦。 个鸡本身有调味, 就算唔掂姜葱, 都已经好够味(够咸)。两样嘢都尽量充足, 食得够饱。热奶茶及冻柠茶,都合格、好饮。