影片
更多
2022-08-05
1784 浏览
个人其实有少少抗拒食饭盒，总觉得好颓好惨，而且香港啲饭盒质素又…… 唉！之后出嚟做嘢接触到日本饭盒（便当），印象改观咗好多，原来便当可以咁精致又好味 。今日嚟到百芳池上，更令我爱上台式便当。台湾便当，配菜丰富，主菜惹味，配搭有荤有素，色香味全。搞到我去咗两次，就系想再试多啲。盐酥鸡讲起台湾小食，点少得盐酥鸡呢！池上嘅盐酥鸡，皮脆肉嫰。以炸鸡嚟讲，好食过好多炸鸡专卖店。如果佢可以加多啲调味粉同九层塔就完美喇！小食拼盘 拼盘有台式香肠、炸花枝丸、盐酥鸡。讲真冇乜惊喜，而且价钱唔平，下次只点盐酥鸡就可以喇！控肉便当 控肉便当其实就系原条猪腩肉。 望落去好肥腻，但食落去竟然系肥而不腻。腩肉卤得入味，入口即化原条食超爽！而每个便当都配半只卤水蛋、粉丝、粟米粒、咸菜、椰菜，味道丰富，颜色艳丽，色香味全。猪扒便当 呢款系店入面嘅招牌便当，同控肉便当并列王牌。可见地位超然。猪扒系厚切裹脆浆酥炸，肉汁被锁住，所以皮脆肉嫰，肉质松化又爆汁。虽然冇酱汁，但非常𩠌饭。配清爽配菜，真系百吃不厌。红烧牛肉面（麻辣）终于……终于……终于食到真正台湾味道喇！原来之前响台湾食嘅红烧牛肉面，系麻辣汤底嚟，唔怪之得，食极
台湾便当，配菜丰富，主菜惹味，配搭有荤有素，色香味全。搞到我去咗两次，就系想再试多啲。
盐酥鸡讲起台湾小食，点少得盐酥鸡呢！池上嘅盐酥鸡，皮脆肉嫰。以炸鸡嚟讲，好食过好多炸鸡专卖店。如果佢可以加多啲调味粉同九层塔就完美喇！
小食拼盘 拼盘有台式香肠、炸花枝丸、盐酥鸡。讲真冇乜惊喜，而且价钱唔平，下次只点盐酥鸡就可以喇！
控肉便当 控肉便当其实就系原条猪腩肉。 望落去好肥腻，但食落去竟然系肥而不腻。腩肉卤得入味，入口即化原条食超爽！而每个便当都配半只卤水蛋、粉丝、粟米粒、咸菜、椰菜，味道丰富，颜色艳丽，色香味全。
猪扒便当 呢款系店入面嘅招牌便当，同控肉便当并列王牌。可见地位超然。猪扒系厚切裹脆浆酥炸，肉汁被锁住，所以皮脆肉嫰，肉质松化又爆汁。虽然冇酱汁，但非常𩠌饭。配清爽配菜，真系百吃不厌。
红烧牛肉面（麻辣）终于……终于……终于食到真正台湾味道喇！原来之前响台湾食嘅红烧牛肉面，系麻辣汤底嚟，唔怪之得，食极香港啲红烧牛肉面都唔似啦！😅 讲返，个汤底好香浓，麻辣中带点点甜味 。我拣咗牛筋腩，肉味浓啲，牛腩卤得入味，加埋牛丸，红萝白，口感又再丰富啲有层次啲。面条系直干面，粗幼适中，口感偏软。
因为店内地方唔大，如果想嚟食最好避开啲繁忙时间。平日7点半后，星期六12点半前嚟就最好喇！
张贴
