食包 (已結業)

又系姐姐番乡下，又要日日出街食，今日再试学野附近既winner burger，因为经过见到门口张poster 有新野，仲要价钱好吸引。呢间野open kitchen 全部即叫即整，绝无花假。我地试左WB 经典牛汉堡$62，有流心蛋 , 啲汉堡爆蛋浆同多汁，牛食落好有牛味，好味过5个人个间，性价比亦高。再试埋芝士菠萝鸡扒$68，同M字头个间比，菠萝厚身好fresh,而且鸡扒嫰滑多汁，正！当然不得不提黑松露炒蛋芝士烟肉汉堡$36，货真价实，打开盒已经闻到黑松露嘅香味。走松露仲要平多$8添。2个包都性价比高。我哋加咗$22仲有炸番薯条，好甜好好味，仲包一罐饮品。