三鍋

营业中

休息中

三五知己即興飯聚，今次黎到三鍋滾一滾，無論湯底，醬料定食材，選擇非常多。今次點左個淮山杞子螺頭豬骨湯底，好足料，豬骨非常多且入味，啖湯好濃螺頭既甜味。肥牛係打邊爐必點，肥牛片肉質嫩滑，口感豐富，煮在湯底中後更加鮮嫩多汁。手打墨魚丸及鮮蝦丸不可不試，彈牙爽口。鮮蝦及蟶子非常新鮮，響湯灼一灼就可以食，鮮甜無比。魚頭新鮮肉質鮮嫩，同啖啖肉唔同口感。手工家鄉韭菜餃名副其實皮薄餡靚，隻隻都好足料。冬瓜為整個打邊爐增添平衡，它吸收湯底的味道，同時有冬瓜既清爽口感。