百味章魚

营业中

休息中

行过沙田广场~百味章鱼~，见鬼咁多人等章鱼小丸子外卖，我地一班fd 都心郁郁想食埋一份。原来呢间系同旺角中心*真‧章鱼无双*同一班底，一样咁真材实料。出面有啲章鱼小丸子得一团粉团无章鱼，呢度既就好足料，咬落入面有几粒好弹牙既章鱼，正。呢度款式多，大阪章鱼烧，原味够正宗，拣左2款口味试试佢。激葱章鱼烧，啲葱铺满哂系面，未打开已经闻到香葱味道，食落葱好脆口，同小丸子又夹。蟹子章鱼烧，蟹子又系满满的，橙色绿色好吸精，食落口爆子，口感丰富。呢度章鱼烧好食，食唔停口。