影片
更多
2023-03-26
132 浏览
一直都好钟意食上海菜，叫返一笼小笼包再加个担担面，已经好饱肚好满足！呢间餐厅有好多间分店，佢嘅上海菜款式都几多，主打少油少调味，食落感觉健康啲！餐厅装修格局都比较似茶餐厅，几光猛企理，坐得都舒服，而且菜式都好抵食！佢嘅蟹粉系列都好似好吸引，下次再嚟试！------------------------------🍱◖自选凉菜◗ $125可以自己拣五款凉菜，拣咗镇江水晶肉、美味海蜇、鸡丝粉皮、糖醋小排同醉香猪手，尤其钟意佢个糖醋小排同鸡丝粉皮，糖醋小排味道偏甜，而且都几多肉，仲有少少软骨部位；鸡丝粉皮口感烟韧，个麻酱都好出色！几钟意佢个拼盘可以拣几小碟，可以一次过试晒佢啲小食，啱晒有选择困难症嘅人！🙈🥟◖鲜肉小笼包◗ $42佢一笼有四粒，包住嘅汤汁好甜，带有肉香，小心辣口！小笼包外皮就略嫌有少少厚，稍微影响咗佢嘅口感～除咗鲜肉小笼包，仲有蟹粉小笼包可以拣～🍜◖上海担担面◗ $48食上海嘢一定会叫嘅担担面，净系试佢就可以见真章！汤底黏稠，麻酱同花生酱嘅比例啱啱好，芝麻同花生嘅香味都好浓郁好creamy，有少少辣；面条系餐厅自家制，爽滑有口感，而且好挂汁！🥬◖上汤浸时菜◗ $55时菜可以拣小棠
------------------------------
🍱◖自选凉菜◗ $125
可以自己拣五款凉菜，拣咗镇江水晶肉、美味海蜇、鸡丝粉皮、糖醋小排同醉香猪手，尤其钟意佢个糖醋小排同鸡丝粉皮，糖醋小排味道偏甜，而且都几多肉，仲有少少软骨部位；鸡丝粉皮口感烟韧，个麻酱都好出色！几钟意佢个拼盘可以拣几小碟，可以一次过试晒佢啲小食，啱晒有选择困难症嘅人！🙈
🥟◖鲜肉小笼包◗ $42
佢一笼有四粒，包住嘅汤汁好甜，带有肉香，小心辣口！小笼包外皮就略嫌有少少厚，稍微影响咗佢嘅口感～除咗鲜肉小笼包，仲有蟹粉小笼包可以拣～
🍜◖上海担担面◗ $48
食上海嘢一定会叫嘅担担面，净系试佢就可以见真章！汤底黏稠，麻酱同花生酱嘅比例啱啱好，芝麻同花生嘅香味都好浓郁好creamy，有少少辣；面条系餐厅自家制，爽滑有口感，而且好挂汁！
🥬◖上汤浸时菜◗ $55
时菜可以拣小棠菜、白菜同埋菜心，上汤汤底清甜，加入咗大大粒嘅蒜头爆香，菜心都煮得啱啱好，吸晒啲汤汁，仲带有浓郁嘅蒜味，几好食～
🌟Encore指数：8.5/10
张贴
