魚樂一番 (已結業)

黄埔区出名美食多， 系区内朋友讲， 新聚宝坊𠮶边开咗一间花胶鱼汤专门店， 今日正好经过所以专程去试下。 可惜朋友临时有事， 冇紧要啦反正都要午饭。店内墙壁上絵上两条大鱼， 令人期待喝一碗鱼汤。午餐有不少选择，窝面，泡饭， 都以花胶, 海参滋补材料为主， 定价合理。 另外还有农家蒸饭简单家常款式。鱼乐一番海味泡饭$68先试佢嘅汤底， 有浓浓嘅鱼香。 材料丰富， 有海参（ 唔切开成条上）， 花胶， 鱿鱼螺片丝， 元贝， 花菇。。 重点系花胶质感唔错， 细细只原只冇腥味， 索满鱼汤嘅鲜香， 胶质极为丰富， 嘴唇都黏黏地。因胶质颇重， 泡过饭嘅汤稠得都有点似米浆。 因泡饭份量太大 好快吸干了汤底， 店员额外提供了一小碗汤再添加。冬瓜薏米水 跟餐加$6原樽上， 唔算太甜，薏米水清润， 配合滋补养颜 嘅花胶汤 非常养生，健康。食完一啲都唔口渴， 应该冇落味精。 如晚市能提供其它小炒菜式会更多选择更多客路。