影片
更多
2019-05-31
620 浏览
有个aspiring食评人嘅同事睇完某杂志介绍Dood 就话要组队去试食Gelato，适逢黄昏时份要去湾仔就约埋放工一齐去。(最后，唔知点解系得返我同𠮶位同事两个。)地舖出边就系巴士站，算系对正大街，不过湾仔地铁站起行都要8-10分钟先到到。入到去，舖细细，位有四个，都已经坐左人，但系无人等紧落单，店主见我地两头拧揾餐牌，就指指旁边块黑板话今日啲味响哂上边，但系就已有几款无哂了 (其中有个乳酪同焙茶，想试，但系已无哂)。响决定食边只味之前，梗系试下啲味先。试左西瓜、菠萝、青柠、红桑子 (原来试极都系水果味...), 都几好食，食出真正嘅水果味出来，其中最钟意嘅系西瓜，因为味道非常清新。试味期间，职业病发作，系咁味店主问题，例如点解叫诚实朱古力呀、哩样点整𠮶样点整呀咁，店主都系非常乐意地一一回答我地嘅问题。当然除左秘密recipe之外，店主都系用心解释同回答，系我地问到试到有啲唔好意思时，先决定落单叫Gelato。我叫左一球 Evil Earl Grey ($45)，而同事系叫左开心果同西瓜。其实，我系唔钟意饮伯爵茶，觉得只酸味怪怪地，但系做左雪糕或者macaron就食㖞。哩个Earl
地舖出边就系巴士站，算系对正大街，不过湾仔地铁站起行都要8-10分钟先到到。入到去，舖细细，位有四个，都已经坐左人，但系无人等紧落单，店主见我地两头拧揾餐牌，就指指旁边块黑板话今日啲味响哂上边，但系就已有几款无哂了 (其中有个乳酪同焙茶，想试，但系已无哂)。
响决定食边只味之前，梗系试下啲味先。试左西瓜、菠萝、青柠、红桑子 (原来试极都系水果味...), 都几好食，食出真正嘅水果味出来，其中最钟意嘅系西瓜，因为味道非常清新。试味期间，职业病发作，系咁味店主问题，例如点解叫诚实朱古力呀、哩样点整𠮶样点整呀咁，店主都系非常乐意地一一回答我地嘅问题。当然除左秘密recipe之外，店主都系用心解释同回答，系我地问到试到有啲唔好意思时，先决定落单叫Gelato。
我叫左一球 Evil Earl Grey ($45)，而同事系叫左开心果同西瓜。其实，我系唔钟意饮伯爵茶，觉得只酸味怪怪地，但系做左雪糕或者macaron就食㖞。哩个Earl Grey茶味浓，偏酸，做成Gelato就啱啱好。个同事个开心果系好食嘅，仲有微粒果肉，不过如果只味可以做到仲有少少烤/炒过嘅开心果味，咁就梗加突出。食完之后，同事再叫多两只味黎试，话要支持一下㖞。哩次叫左朱古力同芒果(无影相) ，朱古力味浓而不腻，芒果清香味甜。哩位识食同事比Dood嘅评分系不错嘅，仲话会回头再试添。
其实写要特登敍述同店主交流嘅情形，系因为感觉到店主系用心做产品，同客人交流，带出小店嘅情怀。即系其实去意大利食Gelato都唔系间间好食，一样有化学味重嘅舖头。咁响香港食到好食嘅有(真材实)料嘅，支持一下都唔过份啩。希望店主用心经营赚到钱(其实短短20分钟，都见有十零个客入黎，食饭时间算系咁?)，唔好比现实磨灭哂热情啦。
张贴
