餃掂手工餃子雲吞專門店

约咗朋友去将军澳睇戏，遇著打风落雨，睇完戏唯有喺商场逛街揾食，经过饺掂手工饺子云吞专门店，主打多款特色手工饺子，朋友同我都有兴趣试吓，于是乎入座去也。软心芝士煎饺10只：芝士香浓，饺子煎香外脆内软，配上粟米和猪肉嘅甜味，层次够丰富。芹菜猪肉煎饺7只：新鲜香芹具独特天然香气，能有效地提升整体风味，配鲜猪肉口感丰富且不油腻。芫茜猪肉饺7只跟状元九鼎汤：芫茜同肉嘅比例啱啱好，芫荽味清香，猪肉鲜甜，每粒饺子都绝对足料，状元九鼎汤用粉葛、鲮鱼、活鲗鱼、红萝卜、新会陈皮、蜜枣等熬制，不加味精，味道鲜甜。韮菜饺子7只汤面：韭菜鲜香，配鲜甜猪肉，饺子鲜上加鲜，面条亦好弹牙。蜂蜜柠檬薏米：柠檬薏米能除湿祛热，利水消肿，可加蜂蜜饮用，味道更佳。