金鶴拉麵 (利民大廈)

营业中

休息中

一向对拉面都情有独钟，啱啱去完日本九州旅行✈️，好挂住当地嘅拉面🍜，所以最近返香港都成日食唔同嘅拉面。 嚟到金鹤拉面一定要试佢哋嘅招牌鸡白汤拉面🐔，首先讲下个卖相，拉面上摆放炸过嘅牛蒡，望落成碗拉面好似好澎湃咁🌊。汤底就真系无得顶，汤底呈乳白色，以日本赤鸡熬制 6 小时而成，汤上更有一层细致泡沬，绵密浓厚嘅汤底，不但令每一啖拉面都鲜味十足，而且更令面条质感更幼滑。食完个拉面都真系忍唔住要饮晒成个汤底。 除咗汤底，拉面中嘅鸡肉，亦绝不马虎！鸡肉以慢煮嘅方式烹调，不但令鸡肉嘅肉质超级嫩滑，而且肉汁丰盈，配上拉面及汤底，真系无得输。 朋友拣咗黑蒜酱油拉面，卖相都相当之吸引，有2块咸脆紫菜🧂、嫩滑溏心蛋🥚、木耳丝、京葱同大量蒜片和黑蒜油🧄，味道香浓。除咗叉烧之外，亦可以品尝下佢哋嘅鸡肉。  除咗拉面，大家不妨试下佢哋啲串烧🍢，盐烧五花腩肥瘦适中，嫩滑多汁，加少少柠檬汁，真系滋味十足！ 鸡皮烧得干身又香脆，食落脆卜卜，比起日本更加好食。