Flamingo Bloom (已結業)

食到好饱但系仲想饮杯野，又饮唔落咖啡，见到附近有间卖茶嘅，就去左试下。见到佢主要卖黑茶、红茶、绿茶同乌龙，全部都好中国feel。但系又会加唔同嘅水果或者鲜奶/奶盖，中西fusion。听个名就觉得有D怪，睇D图都觉得OK嘅。不过我都系冇勇气试太mix嘅茶，而且想消滞，所以拣左多果油切乌龙。一款水果嘅油切乌龙二十几蚊，加多几款水果变三十几蚊，都几贵下。不过佢唔系榨汁，系有原片水果放落去浸佢D味出黎，所以都ok嘅。一揭开个盖，真系见到唔同水果，有苹果、柠檬、西瓜等。饮一啖，觉得佢D茶几好，好香乌龙味，但又唔会太涩太苦，加埋水果嘅香味，酸酸地甜甜地，帮助消化，唔会越饮越饱。饮到一半之后，D水果味越黎越凸出，虽然全部水果加埋一齐唔知点形容个味，咪就系水果味啰哈。饮哂D茶之后，我真系有食埋D水果，唔好嘥，不过D水果味已经出哂黎，所以好似食紧冇味嘅水果咁Anyway, 新派嘅（中X西式）水果茶系值得一试嘅！