泰越概念 (已結業)

因为我同朋友都住港岛，出黎食饭通常都喺铜锣湾食。今次朋友介绍我黎呢间V.Thai。今日奇饿，我地叫左好多嘢食，我最中意既系最唔起眼既鸡肉泰式炒河。睇落平平无奇但佢既蛋香好出众。条条河粉都上晒色上晒味，好够火喉惹味得黎又带啲小小辣好过引。第二推介既系佢香茅烧原条鱼。一出场，好香。店员仲好细心帮我打开个鱼皮。成条鱼用厚厚既盐包住烧，皮好香，啲肉比想像中多汁，软熟。鱼肚烧完都涨卜卜系因为入面充满啲香草，好足料，所以真系成条鱼都好香，老实讲我无乜点到佢跟上既汁，哈哈。其实仲有食青咖哩同椰汁鸡汤。同样好足味足料。值得一提既系我𠮶晚无乜话好口渴，证明佢地真系真材实料唔系靠味精。环境几好，位置阔落又唔嘈，想同朋友静静地食个饭放心下系个好选择。