喜泰味

营业中

休息中

呢次系第二次嚟丽阁商场呢间泰国菜。近期有羊腩煲，本来好想试吓。但我哋又想叫冬阴功又想叫菠萝炒饭、串烧，又好似太多，唯有下次再试。先讲个冬阴功用了十足有虾、鸡髀菇、车厘茄，辣度、酸度配合得天衣无缝，香茅味十足，两个人饮每人可以有两碗半左右，啱啱好！个炒菜亦唔错，唔算太咸有少少甜，亦有少少辣，同埋好大碟，两个人都好够食。另外叫咗个鸡串、牛串，烧得好香但缺点系烧得㶶左少少。沙嗲酱同埋个虾片亦都唔错。 另外叫咗个芒果糯米饭做甜品，同埋椰青。芒果糯米饭就麻麻哋，芒果唔算好甜，糯米饭就普普通通。而椰青就好新鲜非常唔错！