千家客 (已結業)

今晚去了间传统面家食晚饭，其实乘巴士落车咁啱见到，本身吃个面先，点知望望吓叫了个牛腩饭，话系传统面家，但装修整洁，从餐牌得知已经开业多年，餐牌内有粉面选择外，重有粥饭同蒸𩠌客饭选择，确实够晒选择，而绝对适合街坊多一个地方当饭堂嘅地方！原味牛腩饭$48，饭同牛腩分开上，望到个分量已经觉得超抵赞，点解呢？个牛腩分量放满了个碗，重要系够晒肥美，肉质嫩滑，加埋个腩汁，只会觉得个白饭未够！认唔住加多个酥炸巧制鲮鱼球$58，一碟八粒，新鲜滚热辣，最紧要系够晒弹牙烟韧，外香内软，充满鱼香，加埋个蚬芥酱，绝对系最佳配搭！虽然系一间小店但味道绝对一啲都唔小，又系街坊或系附近揾食嘅好地方！