上品火鍋料理

营业中

休息中

每逢gathering 谂唔到食咩都会去打边炉。几年前食过上品，价格偏贵，但一分钱 一分货，真材实料，几年后再试觉得水准仲高左添。新鲜鲍鱼切片点泰式辣汁好开胃。椰子花䖬蟹锅，汤底超浓，本身已经好多料，花䖬同蟹仲要另上，保证新鲜。野生鱼片，好新鲜，卖相精美。上品牛肉拼盆，一次过食晒牛嘅所有部位，牛魔王朋友表示好满足。手打墨鱼滑超弹牙；芝士爽虾丸爆酱芝士同新鲜虾肉令人兴奋。虽然鱼皮鲛其貌不扬，但系皮薄肉鲜特别好食。