影片
更多
2021-01-13
678 浏览
最近见有几个foodie介绍哩间良心小食店，睇相见到厚厚既吐司加埋爆晒汁既流心蛋，相当吸引，所以决定一试。所有野都系即叫即做☺️ 不过因为舖仔细细 冇得堂食，企喺街度食又唔方便，所以啲野食拎到返屋企已经冻左少少🙈 *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*🥪 台式肉蛋芝士吐司 ($53)因为拎到翻屋企先食已经隔左一段时间，个吐司表面已经唔脆。面包口感松软，蛋汁同芝士微微渗左入面包入面，但系都冇搞到个包湿晒淋晒。块猪扒好淋唔干身，用左秘制酱汁腌制，腌得好入味，酱汁微甜并且带有咸香，加埋蛋汁同芝士成个combination好夹😋 相信如果当场热辣辣咁食应该仲满足 🥪 麻辣鬼椒肉蛋芝士吐司 ($55)怕辣人士请注意‼️ 哩款吐司既配料基本上同上面一样，只系多左一层麻辣酱汁，其实唔算好麻，不过辣度十足，一路食要一路饮水🥵 虽然两款吐司既配料都系大同小异，但系食落既感觉好唔同。哩款既辣度可以提升到芝士既存在感，令芝士味更加突出，整体黎讲更惹味，而上面𠮶款就更能食得出蛋香同埋猪扒腌料既味道，两款都各有千秋🤗 🧆 手工芋泥球 ($18)哩款小食其实系将芋头打成泥，磋成
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
🥪 台式肉蛋芝士吐司 ($53)
因为拎到翻屋企先食已经隔左一段时间，个吐司表面已经唔脆。面包口感松软，蛋汁同芝士微微渗左入面包入面，但系都冇搞到个包湿晒淋晒。块猪扒好淋唔干身，用左秘制酱汁腌制，腌得好入味，酱汁微甜并且带有咸香，加埋蛋汁同芝士成个combination好夹😋 相信如果当场热辣辣咁食应该仲满足
🥪 麻辣鬼椒肉蛋芝士吐司 ($55)
怕辣人士请注意‼️ 哩款吐司既配料基本上同上面一样，只系多左一层麻辣酱汁，其实唔算好麻，不过辣度十足，一路食要一路饮水🥵 虽然两款吐司既配料都系大同小异，但系食落既感觉好唔同。哩款既辣度可以提升到芝士既存在感，令芝士味更加突出，整体黎讲更惹味，而上面𠮶款就更能食得出蛋香同埋猪扒腌料既味道，两款都各有千秋🤗
🧆 手工芋泥球 ($18)
哩款小食其实系将芋头打成泥，磋成球状再拎去炸，入面并冇其他馅料。食落有少少失望🙁 芋泥球size偏细，表面炸得唔够香脆，芋头味亦都唔突出，不过口感都唔错，芋泥蓉尚算绵滑，仲有一啲芋头粒令口感更加丰富
🍠 芋头椰汁三色圆 ($42)
当日店员同我地讲话芋圆冇晒，只系得地瓜圆同紫薯圆😅 先讲个芋头椰汁糖水，好有惊喜🥰 芋头味同椰汁味都非常重，香浓得黎又冇抢左彼此既味道，而且甜度适中，质地颇杰身，食得出唔系落左好多粉浆既𠮶种杰，而系充满芋头既淀粉质𠮶种，感觉个糖水真系落足料，令人忍唔住一啖接一啖咁食😋 相比起个糖水，地瓜圆同紫薯圆既味道就偏淡，不过都几烟韧弹牙，质地系比较滑身既𠮶种，我男朋友几钟意，不过我就prefer有啲颗粒口感既芋圆。整体黎讲，芋圆不过不失，但系个芋头椰汁糖水真系冇得弹，可以弥补返芋圆既不足
✍️ 𝓞𝓿𝓮𝓻𝓪𝓵𝓵 𝓻𝓪𝓽𝓲𝓷𝓰𝓼 ✍️
ᴛᴀsᴛᴇ ⇢ 𝟽.𝟻/𝟷𝟶
ᴅᴇ́ᴄᴏʀ ⇢ 𝟹/𝟷𝟶
sᴇʀᴠɪᴄᴇ ⇢ 𝟻/𝟷𝟶
ʜʏɢɪᴇɴᴇ ⇢ 𝟻/𝟷𝟶
ᴠᴀʟᴜᴇ ғᴏʀ $$ ⇢ 𝟼/𝟷𝟶
*,.▤‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥▤,.*
📍 旺角黑布街104号地下D号舖
#非专业食评
#食评只反映当日食物质素
张贴
