影片
更多
2024-05-05
93 浏览
今日同个同事出去庆祝吓，去咗维港冰室好豪咁两个人叫咗三个小菜Share嚟食。豉汁蒸䲝鱼（$99）：䲝鱼都几新鲜。肉质唔会死实实。时间控制好。鱼腩位滑溜唔腥。配埋豉汁蒸好惹味。菜心炒牛肉（$87）：除咗菜心同牛肉，仲有云耳同埋草菇。整碟份量都好多。牛肉厚薄适中，肉质弹牙。菜心清甜爽口。麻辣土豆鸡煲（$87）：土豆同鸡件都有经过油泡，所以唔会散修修。土豆软熟。鸡件配埋麻辣调味辣得好过瘾。小菜套餐配埋餐汤，可以拣中汤，红汤同埋白汤：我哋拣咗两个中汤同埋一个红汤。中汤今日系青红萝卜煲猪骨，萝卜味清甜。红汤酸酸美味，有啲杂菜汤渣食吓都唔错。冻柠茶两杯（+$8@）：冻柠茶好大杯，每杯都有三大片柠檬。
今日同个同事出去庆祝吓，去咗维港冰室好豪咁两个人叫咗三个小菜Share嚟食。
豉汁蒸䲝鱼（$99）：䲝鱼都几新鲜。肉质唔会死实实。时间控制好。鱼腩位滑溜唔腥。配埋豉汁蒸好惹味。
菜心炒牛肉（$87）：除咗菜心同牛肉，仲有云耳同埋草菇。整碟份量都好多。牛肉厚薄适中，肉质弹牙。菜心清甜爽口。
麻辣土豆鸡煲（$87）：土豆同鸡件都有经过油泡，所以唔会散修修。土豆软熟。鸡件配埋麻辣调味辣得好过瘾。
小菜套餐配埋餐汤，可以拣中汤，红汤同埋白汤：我哋拣咗两个中汤同埋一个红汤。中汤今日系青红萝卜煲猪骨，萝卜味清甜。红汤酸酸美味，有啲杂菜汤渣食吓都唔错。
冻柠茶两杯（+$8@）：冻柠茶好大杯，每杯都有三大片柠檬。
张贴
