花果山 (已搬遷) 新店位置

登打士街不嬲都多珍珠奶茶店，但呢间新开嘅花果山就与别不同，因为佢系主打榴梿、新鲜水果、茶，健康过一般珍珠奶茶好多而且店舖入面仲有几张高枱，可以唔洗一路行一路食，环境舒适虽然我唔好榴梿，但仍然有好多选择！喺鲜果系列同冬日系列咁多选择入面，我就拣咗呢杯红柚四季春（少冰少甜）。里面有不少红柚肉，果肉新鲜，加上四季春嘅茶香，既健康又好味。另外叫咗呢个西班牙油炸鬼churros！香港唔喺太多地方有得食，所以马上就落咗单。榴梿爱好者可以拣㨨梿，我就叫咗椰子味。油炸鬼即叫即炸，热辣辣送上加上特制椰子汁，又好夹㖞！外脆内软嘅churros，马上比我食晒哈哈！地点就脚，又可以一试清新嘅茶饮，系近嚟值得推介嘅店！大家认住呢个大大个「花果山」招牌喇！