101台式休閒餐廳 (千色匯) (已結業)

荃湾千色店前面地下开左间101台式休闲餐厅，放工入去饿住食，餐厅光猛顶濶，简约得嚟感到时尚，枱小小仲可内置电池炉，打开餐牌有唔同主题，如台式小火锅一人套餐，有锅物＋主食＋加配饮品优惠、台湾麻辣汤、麻酱凉拌面系列、经典台式饭类系列、香葱海苔烧汁饭系列、101经典肉燥饭系列，心大心细下终于决定要试台式药膳汤系列，台湾药膳农场醉鸡米线（$49），加左$2转手工拉面，嚟到好大碗，北耆党参大红枣大件鸡肉，差D见唔到面，先饮啖汤，有酒味之余仲可饮到药材味，鸡件都好味，虽然手工拉面就普通左D，不过整碗汤已经超值👍🏼之前眼阔肚窄之下仲赶加左三只卤水鸡翼（$20），真系有D格硬食，下次我会叫多个朋友嚟分享分享😆