餃里 (悅湖商場) (裝修中)

入到屯门谂住试下呢间饺子店～呢间只限外卖生饺+熟饺，不设堂食！位置比较偏远少少，因为佢位于悦湖山庄入面嘅细商场，而且仲要转轻铁先入到去，基本上都系俾附近啲街坊入去买黎食。对于非居民黎讲，系有少少唔方便，而我就买左生饺拎返屋企煮，幸好我开车入去有25分钟免费parking!闲日6点钟入到去都有4-5个人排紧队，我就order左2打芹菜饺（$46）+1打紫菜饺（$52），个人比较中意放汤煮，另外再附上柚子汁+菜甫！先煮左2只芹菜+2只紫菜～（因为太好食，唔记得影相！）馅料包得非常饱满！而且咬落去好爽口，个皮亦唔会觉得好厚，真系货真价实！唔系求其塞少少馅料，再整到个皮好厚个啲餐厅，真系要俾like! 再配啲柚子汁一齐食，绝对可以提鲜！至于个紫菜饺，我就比较中意呢款，因为好难得地可以将紫菜当馅料咁包！而紫菜份量亦好多！反而我觉得唔洗点任个酱汁，就咁食更加好，因为咁先试到每样材料嘅精髓！