影片
更多
2021-08-08
39 浏览
紫菜鲜肉饺（汤）紫菜味好突出，系第一次食到呢个馅料嘅饺子，味道好特别，会想再试的。汤底有猪骨味，但唔知系咪店主会用嚟煮水饺，有小小面粉味，不过都唔影响我饮晒个汤，而饮完都唔觉口渴，估计无用味精，试得过！香荽鲜肉饺（煎）食前会谂，会唔会食到成口香荽味，点知食落又几有惊喜。佢系会有淡淡的香荽味，但又唔会太抢。而且饺子煎得好好食，个底系脆，但个皮依然咁滑，馅料都系咁多汁，几好！饺里捞面用上佢秘制手工菜脯捞埋，建议捞返小小佢饺子嘅汤食，有多少少汁就啱啱好。泡菜（生饺）有阵阵嘅泡菜味。店主好细心咁印埋烹调方法，所以喺屋企都可以煎到脆底皮滑多汁饺，只系无店主煎得咁靓。整体嚟讲，啲饺子都大粒足馅料，有唔同口味。最赞系啲饺子皮好难得咁滑，系少有食到嘅口感。亦见到店员即场包饺子，就知佢系真正自家人手制作喇！最紧要系饺子汁同菜脯都好好味，系值得一试嘅饺子店啊！
紫菜味好突出，系第一次食到呢个馅料嘅饺子，味道好特别，会想再试的。汤底有猪骨味，但唔知系咪店主会用嚟煮水饺，有小小面粉味，不过都唔影响我饮晒个汤，而饮完都唔觉口渴，估计无用味精，试得过！
香荽鲜肉饺（煎）
食前会谂，会唔会食到成口香荽味，点知食落又几有惊喜。佢系会有淡淡的香荽味，但又唔会太抢。而且饺子煎得好好食，个底系脆，但个皮依然咁滑，馅料都系咁多汁，几好！
饺里捞面
用上佢秘制手工菜脯捞埋，建议捞返小小佢饺子嘅汤食，有多少少汁就啱啱好。
泡菜（生饺）
有阵阵嘅泡菜味。店主好细心咁印埋烹调方法，所以喺屋企都可以煎到脆底皮滑多汁饺，只系无店主煎得咁靓。
整体嚟讲，啲饺子都大粒足馅料，有唔同口味。最赞系啲饺子皮好难得咁滑，系少有食到嘅口感。亦见到店员即场包饺子，就知佢系真正自家人手制作喇！最紧要系饺子汁同菜脯都好好味，系值得一试嘅饺子店啊！
张贴
