大湯家 (已結業)

呢排屋企太忙，阿妈都好少煮饭，更何况汤水呢， 咁啱收工经过观塘，见到呢间炖汤店，买碗外卖返去慰劳下自己， 滋润一下。呢排成日挨夜，饮碗炖汤滋润下，对自己好啲， 人都冇咁容易病。一碗炖汤大概五十零蚊， 其实都唔算太贵，因为乜乜堂摆雪柜𠮶啲一包包汤都要呢个价钱。 而且仲冇咁足料添，呢一个花旗参乌鸡排骨炖汤 ，材料都几丰富，因为眼见嘅材料都有唔少，除咗花旗参，乌鸡，排骨之外，亦有圆肉同杞子，仲有唔少药材。饮落有 花旗参嘅甘味，但唔系太苦，亦有乌鸡同排骨嘅鲜甜， 饮落好滋润暖胃， 而且乌鸡非常有营养， 脂肪唔多，饮起嚟嘅油亦都比较少，对于女仔嚟讲非常适合。