醉藥雞 (福榮街)

营业中

休息中

醉药鸡个名几特别，望落正正经经，一读出黎"最弱鸡"，够哂惹人注意。但呢度啲野食一啲都唔弱鸡，有翅、鲍鱼、海鲜、鹅肝食架。今日我就同朋友黎到深水埗“醉药鸡”食午餐，我叫左三个美食品尝，有砂锅鸡汤翅、醉鹅肝同麻辣鸡肾。鸡汤翅，一大锅，翅同鸡件都唔少，个汤金黄色，一睇就知淆左好耐，好浓好有鸡油香，里面仲有金华火腿。鸡件嫩，鱼翅爽，成煲比我地饮得干亁净净。醉鹅肝，本身都考虑紧叫唔叫呢个好，惊好漏同好腻，但都系想试下。鹅肝一啲都唔腻，个汁完全刚刚好，唔会太酒味，又唔会太甜👍麻辣鸡肾，唔算太辣，有麻麻既感觉，鸡肾爽口。一路食一路听到隔离枱系咁赞，我心里面都好鬼认同，真系正。