和拉麵

营业中

休息中

好难得保持到拉面质素（食过大埔店），同朋友各嗌咗一碗豚骨同限定贝汁鸡豚清汤，豚骨汤基本嘢，重骨味同酱油香，食完唔颈渴，唔使饮水，食得出系真材实料👍限定贝汁，汤清得来非常好饮，好似炖汤，有鸡味，不过都系蚬味比较出D,六只大沙白蚬，应该系新鲜即煮，鲜甜冇雪味，面质OK,豚骨汤都挂汤，限定𠮶碗因为清汤所以唔挂汤都合理. 限定贝汁清汤小贵$138，如果真材实料都合理。下次下午茶有85折先再食，听侍应讲每期限定都唔同，keep住新鲜度都好嘅。睇餐牌先知有刺身嗌咗一份吞拿鱼赤身，价钱都平，最紧要系新鲜。有饭类，偏多元化，适合家庭一家大细，不过我谂有啲人未必接受到，如果拉面保持到水准之余又有D高质素嘅和食提供，我都支持。位置比较偏，深水埗差馆对面再转弯，推荐大家试下