鮮魚湯 (已結業)

呢排太热气，放弃食辣野，转食返d清清地既米线。被我发现呢间唔显眼既餐厅，却甚有惊喜！炸酱捞面、墨鱼卷米线、四宝粗面都有其共同点。幼或粗面既面身都够爽，份量够多，面或米线好似食极都唔完咁，够晒饱足另外，最欣赏主打既鱼汤，每碗都采用奶白色浓浓既鱼汤作为汤底，清甜鲜味，饮晒都完全唔觉口渴，证明不加味精，真材实料墨鱼卷爽口弹牙，甚有咬感。四宝（鱼腐、墨汁墨鱼丸、墨丸、春卷各2件+紫菜）春卷同鱼腐都好稔，索晒鱼汤更正！略嫌墨汁墨鱼丸太稔身，味道同质感都一般。除左面食外，仲有其他选择，妈妈话下次要试蒸鱼饭。