影片
更多
2013-11-16
1153 浏览
前日应同事之邀,免费出席寻晚(15-11-2013 Fri)搅o既蛇宴,我o地一行16人上到一楼开餐,o系等齐人o既时间,我o地见到枱上有最基本o既薄脆,胡椒粉同醋之外,亦有柠檬叶同一支绿色o既蛇胆酒,原来支蛇胆酒系包埋,唔使另外俾钱,大家就先试试,我只试少少,呢个唔难入口,女同事S话有啲甘味,我就饮唔出.人齐喇,蛇宴正式开始.1. 蛇羹我o地呢围只得7个女仔,但一窝都好大窝,而o系未勺之前都已经嗅到陈皮味,而睇表面,蛇肉好似好幼同少,但勺起后睇到,原来都几大块几厚,配料就有木耳丝同冬菇,先咩o野都唔落食吓,初初嗅到好浓o既陈皮味,但食落又唔多觉,好o岩我呢啲唔钟意食咁重陈皮味o既人,而蛇肉唔腥,不过太大块口感原来有啲硬实.之后加少少柠檬叶食,令成个羹o既味道清啲,不过我都系觉得咩o野o野都唔使落.味道: 4.8分2. 五彩炒蛇丝呢个卖相平平无奇,但食落味道o岩o岩好,蛇丝松软,个个都赞.味道: 4.8分3. 炸蛇丸大大个蛇丸,外面以面包粒包住,食落香脆,但内里混入虾胶o既蛇肉好似冇咁明显,口感爽,呢个要加少少醋食.味道: 3.5分4. 椒盐蛇碌大大件o既蛇碌,呢个好硬,咬唔开,原来系
人齐喇,蛇宴正式开始.1. 蛇羹
我o地呢围只得7个女仔,但一窝都好大窝,而o系未勺之前都已经嗅到陈皮味,而睇表面,蛇肉好似好幼同少,但勺起后睇到,原来都几大块几厚,配料就有木耳丝同冬菇,先咩o野都唔落食吓,初初嗅到好浓o既陈皮味,但食落又唔多觉,好o岩我呢啲唔钟意食咁重陈皮味o既人,而蛇肉唔腥,不过太大块口感原来有啲硬实.之后加少少柠檬叶食,令成个羹o既味道清啲,不过我都系觉得咩o野o野都唔使落.
味道: 4.8分
2. 五彩炒蛇丝
呢个卖相平平无奇,但食落味道o岩o岩好,蛇丝松软,个个都赞.味道: 4.8分
3. 炸蛇丸
大大个蛇丸,外面以面包粒包住,食落香脆,但内里混入虾胶o既蛇肉好似冇咁明显,口感爽,呢个要加少少醋食.
味道: 3.5分
4. 椒盐蛇碌
大大件o既蛇碌,呢个好硬,咬唔开,原来系骨o黎,啲肉要集中o系中间,钟意啜骨o既客人一定喜爱.而味道呢,开头见有咁多椒盐,心谂会好辣o架?但原来唔系,我反而觉得冇乜味添,唔知系咪啲椒盐甩晒? 味道: 2.5分
5. 炆蛇腩
蛇腩又系大大件,底下有支竹同笋,蛇腩几厚同够腍,呢个明显腥啲,但仍可接受,而支竹同笋同入晒味,好食.味道: 4.5分
6. 蒸鸡
睇到佢系冇多余脂肪,食落,肉质嫩滑,鲜鸡味亦重,估唔到呢个都整得咁好食.味道: 5分
7. 山瑞煲
多年前食宴时,冇食到骨胶原极重o既裙边,今次我唔客气,一于先夹一件. 腍腍粘粘,汁o既味道又o岩o岩好,真系好正.之后幸运地夹到好厚o既肉食,口感似食牛腩,而垫底,尽吸汁液精华o既白萝卜,我o地都唔放过,可惜我食到佢有微苦.味道: 5分
8. 生菜
呢个正正常常冇问题啊.
味道: 3分
9. 糯米饭
呢个咸淡亦适中亦唔太油,腊味唔太多但我觉得o岩o岩有香味就够,可惜o既系我觉得佢唔够粘.虽然系咁,原本只想食少少o既我,都可以忍唔住食吓一碗,食吓又一碗咁,果然吸引.味道: 4.3分
10. 炖蛤蚧汤
最令人震撼o既汤终于出场喇,女职员为怕我o地受惊,都唔摆上枱等我o地自己勺,佢分好至上.但我o地都系一窝蜂咁拥埋去睇同影相. 除o左蛤蚧外,重有乌鸡,蛇肉,杞籽同啲药材,啖汤饮落冇乜药材味,反而饮到甜杞籽同圆肉味,连甘味都饮唔到,真系好饮,个个都一碗接一碗,亦饮到发热,真系好正.
味道: 5分
呢餐令我大开眼界,原来蛇可以做多种菜色出o黎之外,就系第一次饮蛤蚧汤,真系多谢同事o既邀请同好彩冇错过到.
服务:
而店方为我o地一围半(18人)预备o左三窝蛇羹,我o地食o左两窝后,女仔呢围o既同事请职员将最后一窝平均分俾两围枱,点知唔知佢系咪老板娘,自己主动送一窝细o既俾我o地,好多谢佢呢.
环境:
旧式蛇舖一间,冇乜问题.
张贴
