名人私房菜 (已搬遷) 新店位置

有同事生日一大班人约食饭，想俾佢一个家嘅感觉就决定book呢间名人私房菜！独立房仲有埋电视同冷气，地方好寛躺舒适！第一道系大白菜猪肺汤，系家的味道大白菜好清甜，加上猪肺，既滋润又好味。真系好落足料！老板会帮我地分汤同倒起d汤渣俾我地！一睇到d汤渣就知唔讲得笑！仲足料过妈咪煲果d汤第二道系荷叶蒜蓉蒸虾饭，好大桶！虾好鲜甜，肉质唔会霉！而且饭有淡淡既荷叶香味，再捞埋秘制豉油好似食紧煲仔饭咁第三道系避风塘炒蟹太正啦！！香口惹味，啖啖肉！炸蒜粒好香脆，蟹肉鲜甜嫩滑第四道系鼓椒炒圣子王，好大只呀！见到都流晒口水圣子皇好爽口鲜甜！超级惹味！一定要订！第五道系鲜鱼汤杂菌，里面有起码4种唔同嘅菌类，而且娃娃菜非常鲜甜，索晒鱼汤嘅味！最后就系芒果布甸，整到成条鱼咁好得意芒果味好香，甜度适中！加上花奶更加正