生記粥品專家

营业中

休息中

过来稳朋友玩，结果一早就比叫起身，原以为系去饮茶，结果系来生记食粥，八点几仲大排长龙，不过好彩二十分钟就到我地喇！及第粥，细碗嘅，但系里边嘅料就占咗半碗，里边有猪润，猪心，粉肠同肉丸，一匙羹落去，都系料多粥少、猪杂鲜甜，粥比较浓稠，更加似bb粥，老实讲呢种天食碗咁嘅粥真系成身汗，不过几爽下。朋友嘅鱼腩粥，鱼腩大大件，感觉好似食饭咁，唔似食粥，但系鱼一d都唔觉得腥，粥里边都系得鲜味冇腥味，同粥一齐嘅仲配有D切得细细嘅姜丝同豉油，但系加d姜丝就够喇，豉油就算喇，毕竟粥都系食原汁原味比较好。炸两唔错，几脆口，浸系粥里边食好好味。