生記粥品專家

营业中

休息中

今日去开上环做gym.做之前梗系要食个brunch先啦。星期六上环嘅食店呢都仲有开嘅。嚟呢间排晒队嘅生记食下野先。其实我都系第一次来，听闻啲嘢好掂。于是就叫咗个萝卜牛腩清汤面，试一试佢。结果系名不虚传！我好钟意食炆萝卜。呢个萝卜不得了。佢又唔会炆到萝卜烂晒，仍然好有咬口。见到佢幅相就知道佢其实炆得好靓。清澈透白。里便唔会咬到萝卜根。吸晒啲汤嘅精华，但系保持到佢个「肉质」。非常之推介呢个萝卜。之后当然系主角牛腩啦。佢淋得来，系仍然保持到佢个肉嘅质地。食得到一条条嘅肉丝。唔系揾梳打粉「哪」到淋晒嘅肉。牛肉味非常浓郁。真系好靓。个汤自然系好好饮啦。唔识点形容。系好清得来有层次嘅咸味同埋肉味。佢嘅面亦都系好弹牙。见好多其他食客要鱼片粥都食得津津有味。Lin晒鱼骨。下次都可以天气冻啲试吓。必定再返嚟食埋其他嘢。但系预咗呢啲小型嘅餐厅座位就唔舒服架啦。排排坐面对面，迫迫地忍一忍啦。