茶茶GO (已結業)

今日放工經過茶茶Go，無意中俾我見到有芋泥飲品，呢排芋泥當道，於是即刻入去買黎飲。12月頭已經有聖誕裝飾，仔細睇完餐牌，決定叫兩杯飲品。一杯係斯里蘭琥珀奶茶+黑珍珠 $35，另一杯係逮丸芋頭2號 $45。斯里蘭琥珀奶茶+黑珍珠用既係明治牛奶，飲落香滑，叫既雖然係正常甜度，但都唔會好甜，剛剛好，珍珠屬於偏軟身個種。逮丸芋頭2號由手工芋泥+小芋圓+鮮奶組成，見到店員毫不客氣落左好多芋泥，而且唔會額外加糖，非常健康。芋圓細細粒，偏硬身個種。呢間台式飲品店真材實料，用心製作。佢另外仲有麵包發售，但今次要留肚食晚餐就冇買到。