潮州人 (已搬遷) 新店位置

第一次帮衬呢间小店，试咗花胶汤饭、肥牛汤饭同醉鸡翼米粉。花胶汤底清甜无味精，原只花胶冇花冇假。本来以为无惊喜嘅肥牛竟然用厚身有口感又唔肥嘅部位，似牛冧肉，汤底一点肥腻感都冇。家中嘅牛魔王都话似高质火锅材料🤤。至于醉鸡翼就好入味，酒味浓郁。几款汤底都差不多同饭全部食清😬。不过每碗材料份量略嫌重质不重量，胃口大嘅可能唔够喉，店主可考虑有加大份量拣就更好。虽然店舖地点少少偏僻，但值得再去试埋其他几款汤料。不枉我行咁远去帮衬，希望迟啲有联系外卖app送外卖就更方便。