養生糊甜品專門店 (已結業)

好耐冇食传统中式糖水喇！老板两夫妇以前喺北角开店，糖水出名真材实料，但可惜因为健康关系结业。而家喺炮台山依边重新开舖，当然要支持下啦！小店有十多款糖水供应，有啲更加有冻热选择，店家好细心每款糖水都有介绍食材功效，等你可以拣一款最适合嘅。黎到当然要试下招牌芝麻糊啦！黑白芝麻由人手炒香再用石磨磨制，芝麻味香浓离远都闻到，入口顺滑，系街坊推介必食嘅。夏日炎炎绝对需要饮碗绿豆沙清热解毒！海带绿豆沙好足料，啖啖都有起沙嘅绿豆同爽口嘅海带，食落唔会好甜，感觉都健康啲。