糖宮甜品專門店 (金巴利道)

营业中

休息中

系尖沙咀食完晚饭后，想揾间甜品店医下第二个胃，上openrice搜寻下发现咗呢间甜品店有我最爱嘅椰皇炖蛋白，真系无法抵挡，立即冲过去试下！椰皇炖蛋白椰皇炖蛋白有得拣冻同热，我就拣咗热，椰皇蛋白入口滑溜，散发阵阵清甜椰青水香气，养颜一流！菠多野结冰 透明人间篇配水晶凉粉呢个甜品真系份量十足，包括菠萝绵绵冰同水晶凉粉，绝对可以两个人share食，菠萝绵绵冰口感绵滑，菠萝味道浓郁，而水晶凉粉好Q弹，仲有4大片菠萝肉，菠萝肉系选用新鲜菠萝，真材实料，够晒新鲜。即制芒果酥皮拿破仑拿破仑有两件相当抵食，即叫即制，上枱时热辣辣，酥皮厚而松脆，上面放满芒果同忌廉，芒果味道香甜，令人十分满足。抹茶红豆窝夫伴雪糕窝夫都系即叫即制，烘得外脆内软，窝夫再洒上抹茶粉，味道相当浓郁，另配上红豆同雪糕，加倍滋味。