覓 ‧ 甜

营业中

休息中

正准备由「宝莱街」行去黄埔港铁站，偶然望入条巷仔见到呢一家小店「觅•甜」，除因为晌条巷仔中佢显得灯火通明之外，更写住手工甜品，就帮衬吓买咗两客糖水返屋企食。虽然无入到铺内，但从外面都睇到入面喺点，铺内好细，望落都喺得几张枱仔，而外面有啲立食位，因为明显啲櫈点都唔啱高度俾人坐晌度食。而所以食物选项，就晌晒铺外嘅砖墙之上，一眼睇晒，仲图文并茂。芋圆陈皮红豆沙 $26呢一款甜品喺本期特价，不过，都只喺比正价平两蚊。拎上手时，已觉得好足秤，揭开捞两嘢，绝对喺真材实料，碗内好多红豆，唔会得啲糖水，加上有微微陈皮香，而啲红豆好清甜，且煲得好软绵，再者，啲芋圆软糯烟韧，每样嘢都好食。花生麦米粥 $20麦米粥呢款怀旧糖水，依家都好少铺有做，真喺卖少见少。成碗糖水都显得一片金黄，同样真材实料，睇都睇得见有好多麦米，而且，啲麦米好有咬口，加埋混有唔少花生粒，整体确喺唔错。呢个价我都觉得抵食，点知临行到去黄埔站时，有家「一豆花」，所有特色豆花卖$8，其他传统港式糖水都喺$9-$13，真喺平到唔信，下次再嚟点都买碗豆腐花走。