影片
更多
2021-06-06
2241 浏览
日式烧肉，因应质量及产地等等既原因，相信大家而家行街个阵都会经常见到。部分较受欢迎既餐厅如牛角等等甚至推出任食套餐，务求将原本追求高质量牛肉(但散叫)﹑或者追求亲民任食价(但质量较差)既人抢哂返黎。但其实香港除牛角外，仲有唔少高质数而任食既日式烧肉餐厅既!今晚小编与老公就响荃湾区试下呢间标榜任食宫城县黑毛和牛既餐厅 - 尚八。地点方面尚八位于荃湾杨屋道街市正后方 (即荃新天地附近)既百悦坊，入商场后可上1层电梯，就会见到通往12楼既升降机大堂。一开电梯门口，就见到右边有一整个保温室设置于门口，行近少少去研究个阵，原来入面放置不同部位既黑毛和牛。坦白讲，小编第1个印象都会觉得：驶唔驶咁夸张呀？但趁入座前上网Google一下，原来尚八标榜使用既黑毛和牛「日高见和牛」响宫城日高见牧场系真系存在既，而同时响日高见牧场既社交平台亦有转载及同意餐厅使用；同时，响和牛既包装袋上既Iwachiku Co.经Google调查，都系代工处理和牛既公司。所以小编都相信一阵食到既和牛都系真正日本产及直送既和牛吧!入座前店员都再次善意提醒任食和牛既价钱，其实黄金时段以$458加一既价钱的确与自助餐价钱差唔多，不
今晚小编与老公就响荃湾区试下呢间标榜任食宫城县黑毛和牛既餐厅 - 尚八。地点方面尚八位于荃湾杨屋道街市正后方 (即荃新天地附近)既百悦坊，入商场后可上1层电梯，就会见到通往12楼既升降机大堂。
一开电梯门口，就见到右边有一整个保温室设置于门口，行近少少去研究个阵，原来入面放置不同部位既黑毛和牛。坦白讲，小编第1个印象都会觉得：驶唔驶咁夸张呀？但趁入座前上网Google一下，原来尚八标榜使用既黑毛和牛「日高见和牛」响宫城日高见牧场系真系存在既，而同时响日高见牧场既社交平台亦有转载及同意餐厅使用；同时，响和牛既包装袋上既Iwachiku Co.经Google调查，都系代工处理和牛既公司。所以小编都相信一阵食到既和牛都系真正日本产及直送既和牛吧!
入座前店员都再次善意提醒任食和牛既价钱，其实黄金时段以$458加一既价钱的确与自助餐价钱差唔多，不过既然调查完和牛既背景，似乎都有保证下，梗系要继续试试啦!
餐厅内坐位都算多，基本上以卡位及长枱为主，如果唔系因为现时防疫措施既关系，应该都几方便一大班朋友黎一齐食饭既。
任食烧肉可以响出面冻柜任选饮品，有14款饮品情况下虽然都系大路既纸包或罐装饮品，但响方便降低烧肉既油腻感下都系好重要既。反而见到附近几枱既客人都点了一大樽Sapporo既生啤，了解之下原来系因为3L版既生啤都只系$148，即系平均每杯标准生啤(500ML)装都只系$25左右，计落又真系几抵!
而同时，除左放响旁边既4款酱料外，因应今次系食和牛既关系，店员都拎左岩盐俾我地，以方便食个阵令和牛既肉味更突出。(不过温馨提示唔好沾太多，因为岩盐太纯正，沾太多会令牛肉变得好咸)
除和牛可以任食外，点选和牛任食既话响电话落单既餐单内仲可以点选安格斯牛(包括牛舌等)﹑鸡肉(不同制法)﹑猪肉(不同制法)﹑肉脏﹑小食(如米纸卷﹑和牛粒等)﹑寿司等，款式都真系非常多架 (因应可贴图片有限，可参考另外上传既相片)。
而食和牛之前，店员会先送上细细既一碟刺身俾我地，每人会有1件三文鱼﹑带子﹑剑鱼腩。带子非常鲜甜﹑而剑鱼腩完全无腥味，亦因为厚切关系好有质感，唔错! (最衰无得再叫)
好，正式到主菜「日高见和牛」喇! 一开头店员都会先奉上每人每款2件，即6个部位每人共12件俾我地，然后再温馨提醒我地食到钟意既部位可再无限追加。
每款和牛既油花都又均匀又靓，好吸引呀! 而且每个部位有佢地既厚度或切既唔同，似乎都系针对唔同部位既特定切法，而令肉质有唔同既效果吧!
响一路烧既过程小编与老公对每个部位既和牛都有唔同感受：
和牛胸腹：好好味! 厚切得黎油味非常足够，响炉火煎个阵每每都令火舌程度增强，食个阵亦有浓烈既牛肉味!
和牛前肩：推介! 前肩相对油脂更充足，但因为前肩本身肉质比较软身，所以虽然系厚身但食个阵有容易散开而好易入口!
和牛三角：推介! 三角位即系近肋骨附近既稀有位置，薄切既方式烧个阵可以更以肉质嫩既情况下入口，阵阵既牛肉香味即刻闻到!
和牛外腿：好味! 外腿小编觉得相对肉味无咁浓烈，而相对其他部分筋位会出现，所以薄切既烧法会令入口时咬断筋脉既尴尬会较少!
和牛冧：好味! 牛既屁股位置，直接形容就系以肉质为卖点，而油花相对会稍少既。食个阵因为油脂散发稍少而无太多油腻感!
一口牛：还可以! 一口牛建议于炉底慢慢烧，等入面既肉汁尽快锁紧，咁样食个阵就可以保持住肉汁味而唔会太老。不过响任食既角度当然会相对失色少少既。
忍唔住再叫埋第2轮既和牛再食食，除一口牛外都忍唔住再叫其他部位既和牛，慢慢再享受多次每个部位带黎唔同既油脂味! 可能大家会觉得和牛只系我油脂味，但其实如果细心欣赏既时候，油脂既香都系好吸引既。
除和牛外，小编都品尝左部分可以烧烤既菜式，变左响烧肉既过程中亦唔会只有烧肉单一既味道，咁先令自己个肚可以得到满足!
牛舌 (盐烧牛舌﹑盐葱牛舌﹑法式芥末籽牛舌﹑岩盐厚切牛舌)：好好味! 基本上牛舌只要稍为烧至变色，基于薄切既关系入口个阵就已经有阵阵肉香! 而最深刻就系厚切牛舌，小编试过响唔少厚切牛舌都因为煮过龙而变得好难咬开，但尚八既厚切响烧至7成熟左右都仲可以轻易咬开，唔错唔错!
盐烧虎虾：还可以，虽然唔系新鲜既虾但食个阵虾肉无散开，唔太足够盐味下，落少少和牛盐后令虾既质感增强!
香草牛油帆立贝：还可以，香草及牛油令原本比较淡味既帆立贝多左色彩，所以尽量唔好浪费帆立贝上厚厚既牛油而一并烧吧!
烧蚬﹑汁烧鱿鱼筒：唔建议。鱿鱼筒未落去烧已经颇干身，所以烧热后食个阵都觉得太硬；而烧蚬可能因为蚬既鲜度问题，所以比较腥!
另外亦都点了以下既小食品尝： (最衰点了和牛刺身后就沽清，因为都希望可以品尝下刺身牛既肉质吧)
和风麻辣牛舌：好味! 麻辣唔算太辣既，而本身选用厚切牛舌既关系令食个阵可以慢慢咀嚼，享受麻辣辅助牛舌而带出既牛香。
纸米卷：芒果车海老相对柑汁野菜蟹肉既版本较清新，作为帮助解油腻感好有用! 而且纸米卷因为薄身，其实唔会令你增加饱肚感。
牛小排汉堡：还可以! 较一般既和牛汉堡计，呢款汉堡肉质较结实而肉汁较少既。
蒜香和牛一口牛：还可以! 一口牛煮得比较熟，所以只能靠干蒜去提升某程度上失去既肉质感。
火灸和牛寿司：好味! 每件寿司上面既薄切和牛都煮得刚刚好! 最主要都系和牛与醋饭稍为唔太夹。
经过1.5小时既努力后，已经清得七七八八了。整餐饭都非常满足，而店员上菜时间唔中都会有介绍食物，变左唔驶特登再揾相比对。而且必须要赞既点就系均争 - 基本上你点菜所写既数量佢地会俾足你，唔会因为你点菜既价钱而扮收唔到单而有缺失，所以整餐就算人均消费要$500/人，但食到优质而充足既和牛绝对系值得既。
但都要有批评点，就系场内既音乐声实在太大声，变左如果三五如己倾计既话会比较辛苦，同时亦会令餐厅内比较嘈吵，员工讲野介绍都需要用较大音量吧。
张贴
