Marion Crepes (已結業)

每次去日本都必定会到原宿竹下通既NOVA Cafe食Crepes，反而街中间既Marion Crepes就一次都无帮衬过。星期六一早起身谂住衬无咁多人入一田执下平货，点知个情况原来系咁严重，基本上买唔到想买既野，唯有放弃上超市买下日本生果，点知恐布程度同楼下不相伯仲。谂住今次都系失望而回，正当沮丧之际行过见到Marion Crepes好似在日本见过，即时成个醒哂。照旧食香蕉+雪糕+芝士蛋糕，好似系叫"香蕉XX总汇"($34)：个皮同日本食既Crepes一样，有蛋香有咬口，香蕉有好浓烈既香味，云糕同芝士蛋糕同日本既一样咁好味，整体真系同日本食过既一模一样，可一解条日本食瘾。店面装修跟足日本店一样，采开放式设计，客人可望住制造过程。唯一美中不足系服务，收银职员无留心听清楚客人orde，要冲销两次单，亦无道歉；制Crepes那位小姐态度亦不敢恭维，我问佢系咪落错雪糕时，佢无答我，只系俾返张飞叫我去收银处处理，同收银处职员完全零交流。好开心见到一间不论装修、食物质素都跟足日本的甜品店，但若果服务质素都跟足日本的话，相信会更受欢迎。