影片
更多
2022-09-30
131 浏览
朋友话深水埗有间任食火锅店，价钱平、牛肉靓，今日就特登嚟揾佢带路，去睇下呢间火锅店系咪真系佢口中讲到咁得。坐低拣好汤底，一盘靓牛肉，同埋刺身并盘先上枱。刺身，真系估唔到火锅店嘅刺身都可以咁出色，够晒新鲜。三文鱼虽然唔系好大件，但系厚切，入口觉得都算肥美，都几香；最正仲有鲍鱼仔，极之爽口弹牙；北寄贝、赤贝、甜虾等等，总之样样都系非常好味，拍得住日式放题质素。牛拼盘上枱时，未食斋睇都已经觉得d牛好靓，颜色红润有光泽，而且雪花纹理非常靓｡ 并盘包括极上牛肩嫩肉、封门柳、牛舌心、仲有牛板腱。4款之中，我最中意食嘅一定系封门柳，肉质够腍，而且牛味浓郁。牛板腱就大大片，就算渌得耐左，依然觉得嫩滑，完全唔会嚡。之后我哋Encore 咗牛板腱同封门柳，即使系第二轮再上嘅牛肉，数量同质素依然系咁正，每款牛有六至七片，排得整齐、望落颜色同第一盘相比真系完全一样咁靓，食入口亦觉得同样高质。话明系火锅放题，当然仲有其他选择啦。我地每样都拣左小小，发觉其实呢度嘅食物质素，真系唔差，甚至可以话好好，尤其系俾呢个$300都唔洗嘅价钱，食到呢d种类同埋质素，真系非常之超值。其他嘢食我地叫左嘅炸馒头，真系极之推荐，一定
坐低拣好汤底，一盘靓牛肉，同埋刺身并盘先上枱。刺身，真系估唔到火锅店嘅刺身都可以咁出色，够晒新鲜。三文鱼虽然唔系好大件，但系厚切，入口觉得都算肥美，都几香；最正仲有鲍鱼仔，极之爽口弹牙；北寄贝、赤贝、甜虾等等，总之样样都系非常好味，拍得住日式放题质素。
牛拼盘上枱时，未食斋睇都已经觉得d牛好靓，颜色红润有光泽，而且雪花纹理非常靓｡ 并盘包括极上牛肩嫩肉、封门柳、牛舌心、仲有牛板腱。4款之中，我最中意食嘅一定系封门柳，肉质够腍，而且牛味浓郁。牛板腱就大大片，就算渌得耐左，依然觉得嫩滑，完全唔会嚡。
PRIME级牛拼盘
3 浏览
0 赞好
0 留言
之后我哋Encore 咗牛板腱同封门柳，即使系第二轮再上嘅牛肉，数量同质素依然系咁正，每款牛有六至七片，排得整齐、望落颜色同第一盘相比真系完全一样咁靓，食入口亦觉得同样高质。
话明系火锅放题，当然仲有其他选择啦。我地每样都拣左小小，发觉其实呢度嘅食物质素，真系唔差，甚至可以话好好，尤其系俾呢个$300都唔洗嘅价钱，食到呢d种类同埋质素，真系非常之超值。
其他嘢食我地叫左嘅炸馒头，真系极之推荐，一定要叫!!👍👍👍因为上台时，仲系热辣辣脆卜卜，点炼奶食，真系滋味无穷。
炸物
5 浏览
0 赞好
0 留言
呢度仲有出边坊间少见嘅麻辣烫可以叫，不过我不嗜辣，所以只系叫左毛肚同牛黄喉嚟试味，一入口果然真系几辣，不过牛黄喉非常之爽口。牛黄喉系牛心室嘅大动脉血管，处理比较麻烦，难清洗，唔系咁多食肆会有。钟意食辣嘅，都可以叫嚟试下｡
除左任食，呢度嘅罐装同纸包饮品，都系任饮，都几多选择。
不过最最最值得赞👍👍👍👍👍嘅系: 呢度连汤底都系任叫!! 起初我地就叫左个秋冬限定嘅药膳水库大鱼头，呢个汤系非常之鲜甜美味，侍应同我地推介话个汤完全无落味精，叫我地一定要饮头啖汤，我地好听话每人𢳂左一碗，真系非常之鲜甜，完全唔会有鱼腥味，最后我地每人饮左两三碗，差不多饮晒个汤底🤣🤣。
药膳水库大鱼头
3 浏览
0 赞好
0 留言
火锅中途，侍应主动问我地换唔换汤底，我地即刻拣左个香茜皮蛋汤，之前食左咁多肉，都想要返个清清地嘅汤嚟渌菜食。换左第二煲芫荽极多嘅汤底后，我地就叫左好多唔同嘅菜，油麦菜、莴笋、秋葵、云耳、粟米、芋头，全部都几唔错。
香茜皮蛋锅
2 浏览
0 赞好
0 留言
最后食埋个超级好食嘅意大利雪糕，120分钟完美结束。
意大利雪糕
2 浏览
0 赞好
0 留言
地胆朋友果然无讲错，呢间放题火锅店嘅牛，真系非常之靓；加上其他饮食材料亦都好多选择，而汤底仲可以任叫任换，即使你叫烤鱼都可以，呢个价喺出边剩食一个烤鱼都未必得，所以呢间火锅放题店真系极度超值，值得推荐。
多款汤底任换
3 浏览
0 赞好
0 留言
张贴
