貓咪貓咪HOME (已結業)

选择咗平日下午到访，几好，唔会好似周末咁迫，可以多啲时间同猫猫玩。期间仲俾我哋遇上猫咪们嘅开饭时间，成班猫猫一次过冲晒去后栏休息地带，场面几震撼下！先嚟杯菠萝同提子特饮，味道几 refreshing。我系觉得如果所有饮品都有盖会比较安全啲，话晒啲猫猫成日跑来跑去（有时仲喺枱面添）。我估佢哋系想留返多啲时间照顾猫咪，又或者怕猫猫乱冲乱撞落时打烂晒啲餐具，所以呢度系用用完即弃嘅器皿上菜，但食具依然系平时果啲铁叉。讲返我哋嘅食物，首先系 all day breakfast，放咗系餐盒入面俾啲沙律菜盖过晒，无咩卖相可言，但食落系正常嘅。另外叫咗芝士肉酱意粉呢啲比较稳阵嘅食品，非常多汁啱晒我口味！讲到底，猫咪先系呢度真正嘅主角，食物正正常常就已经 OK。猫咪喇㖞，我今日见到廿几三十只，大部份都好活跃同好黏人。我当然有为佢既拍咗唔少写真，你哋慢慢欣赏啦！