碗碗香

营业中

休息中

今日有個街方介紹左一間佢話好唔錯既食店比我，佢仲話自己多年食辣經驗，呢間味道有七成似，我係見住佢開張既，又成日經過，因為見到個門口位好窄，感覺好似「好難」行到入去，所以都無諗過要試，既然呢位街方推介，咁我唯有親身去了解一下佢對食物既要求有幾高。去到門口見有好多選擇同配搭，以我多年睇餐牌既經驗，真係唔係幾睇得明，搵左個亞姐問，但佢完全唔明我問乜，係呢個時候，我竟然有啲啲開心，因為，我有啲期望可以真真正正食到「外省」既味道，而唔係「港式」扮「外省」既口味。有個疑似老闆、識廣東話既男人幫我落單，等左唔駛五分鐘就整好，外賣仲有九折，啱哂而家呢個唔想同人面對面食Lunch既時勢。第一次先試「老素粉$56（BB辣）+ 脆哨$16」，外賣碗要加$2。個粉似米線，又似米線樣既薯粉，爽口及彈牙，望落個份量似唔多，但事實係“非常飽肚”，其他配料亦非常醒胃︰酸椰菜、酸紅蘿白、花生及莞茜，另加的「脆哨」香香脆脆，做配菜的確係唔錯。「脆哨」即類似廣東人熟識的豬油渣，亦是貴陽人大多數餸菜裹的黃金配角!! 首先呢個BB級既辣度，都啱一啲怕辣但又想食辣既人，有麻又有辣既口感，但又唔會食到成身汗既狀態，我下次要挑戰小辣