影片
更多
2019-02-11
722 浏览
如果你问我太平馆餐厅水准系咪好L高？我可以写包单话唔系。但系！我觉得所有食过瑞士鸡翼但未去过太平馆既人，一定至少要黎一次。原因好简单，因为呢度既瑞士鸡翼，唔只系一个标竿咁简单，而系真正发明瑞士鸡翼既原创者。为左呢样野，我带女友黎左尖咀分店。呢度既装修好怀旧。我唔知属于边个年代，但原来孙中山先生当年都系捧场客，大家应该略知一二。两人每人嗌左个SET，一个系瑞士鸡翼+海龙皇汤+焗猪扒饭+甜品餐饮；另一个系焗蟹盖+烟枪鱼籽虾仁炒饭+罗宋汤+甜品餐饮。逐样讲下︰海龙皇汤卖相一般啦，但闻落系好香既，汤质地唔会好稀，里面有虾同鱼肉，饮落系有鲜味但唔算太出色，唔会咸亦唔觉有味精。合格但唔高分。罗宋汤反而几好。当然佢都系用茄膏，但饮落甜、酸同辣既平衡算系适中，一定比大部分茶餐厅好饮，菜同甘荀都煲到好淋，不过就唔见任何肉。跟住两个饭，SORRY，系全晚既污点。首先讲焗猪扒饭。猪扒系炸过既，粉浆几贴唔厚，肉质淋唔会好柴唔会干，但略嫌切得太薄，即使本身JUICY咬落都唔太有口感，上面淋左一层整得唔差既烧汁。如果唔计啲饭会几高分，但啲饭真系几大问题！第一，根本唔似炒过，冇蛋香亦几乎揾唔到蛋既纵影；第二质地上实
如果你问我太平馆餐厅水准系咪好L高？我可以写包单话唔系。但系！我觉得所有食过瑞士鸡翼但未去过太平馆既人，一定至少要黎一次。原因好简单，因为呢度既瑞士鸡翼，唔只系一个标竿咁简单，而系真正发明瑞士鸡翼既原创者。
为左呢样野，我带女友黎左尖咀分店。呢度既装修好怀旧。我唔知属于边个年代，但原来孙中山先生当年都系捧场客，大家应该略知一二。
两人每人嗌左个SET，一个系瑞士鸡翼+海龙皇汤+焗猪扒饭+甜品餐饮；另一个系焗蟹盖+烟枪鱼籽虾仁炒饭+罗宋汤+甜品餐饮。逐样讲下︰
海龙皇汤卖相一般啦，但闻落系好香既，汤质地唔会好稀，里面有虾同鱼肉，饮落系有鲜味但唔算太出色，唔会咸亦唔觉有味精。合格但唔高分。
罗宋汤反而几好。当然佢都系用茄膏，但饮落甜、酸同辣既平衡算系适中，一定比大部分茶餐厅好饮，菜同甘荀都煲到好淋，不过就唔见任何肉。
焗猪扒饭
88 浏览
0 赞好
0 留言
跟住两个饭，SORRY，系全晚既污点。首先讲焗猪扒饭。猪扒系炸过既，粉浆几贴唔厚，肉质淋唔会好柴唔会干，但略嫌切得太薄，即使本身JUICY咬落都唔太有口感，上面淋左一层整得唔差既烧汁。如果唔计啲饭会几高分，但啲饭真系几大问题！第一，根本唔似炒过，冇蛋香亦几乎揾唔到蛋既纵影；第二质地上实在太淋身，甚至可以话有啲碎，再加上焗朱最紧要既一样野，就系唔应该用兜上而系用碟上。佢当然冇做到，所以本身唔挺身既饭俾上面啲汁整到更淋。
烟枪鱼籽虾仁炒饭
37 浏览
0 赞好
0 留言
另一碟烟枪鱼籽虾仁炒饭更失望。同样一个问题就系啲饭，话明系炒饭都系淋过林青霞，加上烟枪鱼籽同虾仁都系淡味既，所以呢碟野系食得有啲辛苦。所以建议黎到唔好嗌饭类。
焗蟹盖
33 浏览
0 赞好
0 留言
不过咁，有𪪼亦有赞既。个蟹盖整得相当精致，入面酿左既蟹肉估计有两只蟹以上，而且鲜味非常突出，就咁食已经好正，点埋少少李派林喼汁，又系另一种风味！蟹盖上碟时系热辣辣既，足足十五分钟食完都仲系暖既。
瑞士鸡翼
26 浏览
0 赞好
1 留言
最后上碟既招牌，瑞士鸡翼绝对系全晚高潮。可以话轻松KO出面任何食到既瑞士鸡翼！卤水鸡全翼色泽好靓，肉质非常之淋非常JUICY。个瑞士汁——我当然唔知个配方——但真系好L正。微甜得来可以有几个层次，同死甜完全唔同，有种难以形容既特别风味，最特别既系，竟然食到有阵香浓既咖啡味！当你咬开只翼再队落个汁度，即食，个种感觉太满足了！重点系，第度系永远食唔到！
奶茶
26 浏览
0 赞好
0 留言
张贴
