篤篤車 (已搬遷) 新店位置

元朗国 美食林立，今次大长征去「笃笃车」食车仔面。店舖位置比较隔涉，系真正既隐世小店。老板相当有创意，将泰国既汤底配港式既车仔面。店家推介鳄鱼汤底 & 冬荫公 汤底。 小编都系第一次听鳄鱼汤，梗系要试下佢。估唔到鳄鱼汤的颜色系奶白色，有D似猪骨汤底，味道都几有趣，有少少似药材味，连埋菇菌一齐煮，味道较清淡。橙色既酱系辣酱，比较mild。可惜厨师处理得个汤底太干净，仲想八卦下个鳄鱼肉系点tim XD配料稍为失色左D，叫左墨丸，猪肚同鸭肾，质素都一般。隔离位叫左个冬荫公汤底配青柠梳打，我试饮左一啖，两者都几酸，特别系青柠梳打，唔笃旧青柠都咁酸...真系足料啦~去元朗既朋友不妨试下。